Texte / Lyrics

Alex Köberlein
Wenn Ihr die Texte verwenden wollt – einfach Fragen.


Alex Köberlein Lyrics

Wie immer deftige, köstliche
oberschwäbische Kost.

Rebellio em Stadion (rebel yell)

1.)
Letschd Nachd der kleina Seggl, klopft an meiner Dier
Was macht mein jonger Soichr, er reiert beinoh schier.
Mit seine bsoffne Kombel, kommt grad vom Stadion
De Schwaaze mit de Bomba, dr oine isch mein Sohn, der Depp
//:Ond middla en dr Nacht schreit‘r: „Dor, Dor, Dor“
Schreit: „Rebellion“, ond schreit: „Vor Vor Vor“://
Der Kerle isch krank
2.)
Auswärts beim Gegner, do gohds richtig rond
em schwarze Block ganz vorna, er hods Megafon
noch schreit er rom ond deebert, do fällt‘r ziemlich auf
Drum griagdr meischd als erschder, so richtig ois aufs Maul, ond wia
//:se schlaged n wieder halba dot, dot, dot
Er schdohd vor dr Dier, halba dot, dot, dot://


Bridge

3.)
Auf oimol knallts em Strofraum, richtig fett
Brutales Foul ond Leit send nemme nett
Dr Verteidiger erbarmungslos end Fiass
Dr Middlstürmer bluaded, schreit wia am Spieß 

Gitarsolo

4 a)
Klar des gibt Elfmeter, dr Jürgen macht des scho
Dr Schiri pfeift halt ida, ond jetzt gods richtig los
A jeses Schlägerei, se beisset sich ond kratzed
Dr Schiri stohd vrlora ond sinnlos aufm Platz

4 b)
Em Gäschdeblock do rauchts, a Riesasauerei
Dr Heimatclub schiggd dBulla, dia schlaged auf se nei
Ond alle drehad Hohle, schreiet Rot, isch doch rot
„Ihr Huraböck, ihr Soicher“, Gsichder von Idioda, gstört
//: onds Megafon schreit: „rot rot rot “
Schreit „Rebellion“, schreit: rot rot rot://
Rot rot rot

…Finale

letzschd Nachd der kleine Soicher,
Er schreit bloß no – Dor Dor Dor Dor Dor
Letzschd Nachd der arme Kerle,
er schreit em Draum: Dor Dor Dor Dor Dor

Franz Mayer zieads en d’Heh (P.Burri)

En alda Ma will momol ondern freia Hemmel naus
zwischa Hond ond Katz ond Polschdermöbel hältrs nemme aus
Will nomol mid nasse Fiass kreiz ond quer druchs Feld
be- vor`r stirbd, will er nomol… en de richdig Welt
n Fuchs duckt sich em hoha Gras, hod Angschd vorm alda Ma
es wetterleichded, wird scho frisch ond s fengd zom Lufda a
em Bach treibd Laub ond Heggaschnitt… von woiß Gott wo her
em Ma wird’s leicht, er moint dass er.. n Krabbavogel wär
`
Yippie-yai Oohh, Yippie-yai Yeey, Franz Mayer zieads …en d’Heh

Franz Mayer kroisd am Firmament und merkt id, dass’r friert
Er bassd hald auf, dass er sei Gleichgwichd id vrliert
ond Blitz ond Donner lenks ond reachds ond knapp an eahm vorbei
er glaubt hald felsafeschd.. dass’r unverwundbar sei
am Obend hoggdr emmr no .. an dr Wies am Bach
aufreachd häld r sich bloss no.. grad mid Ach ond Krach
s Reagawasser laufd m kald dr alde Buggel na
Franz Mayer ischs grad egal.. er hebd nomol ab

Yippie-yi Oohh, Yippieyayeey, Franz Mayer zieads …en d’Heh 
(gibts a Hai noh? s ‚gibt koi Hai meh)